"En l'an de grace mil et trois chenz, le meardi devant l'Ascension Nostre Seigneur, fist Guillaume le Talleur, souz serjant Raoul Hurel une reseisine a l'abbé de Jumiegez et au segrestein de ce meesme leu, d'une robe qui avoit esté a Robin de Muees, le quel avoit esté trové mort as chanz en la paroiche de Jumigez. Devant cez fut fete la reseisine, sil est a savoir : Robin de la Heve, mestre Gilez le Machon, Thomas du Mostier, Guillaume Balle bien, Johan du Val, Renaut Pourchel, Johan Lengleis, Smon le Queu, Guillaume Harel, mesre Robert Darie, mesre Guillaume Menuet, clerz, et autrez". (Vté de Maulevrier)