En l'an de grace mil IIC IIIIXX XII le jor de ma mardi devant la feste Saint Thomas apostre fut une veue née entre sage home et honorable le baillif de Caen por nostre seignor le rei d'une partie, et les freres de l'hospital de Jérusalem d'autre, au dymenche empres les octaves de la Typhaine nostre Seignor à asembler a Corteilles... et à Falaise le joedi ensuivant por aler avant en la prise que nostre sire le Rei commist à Mons .Gar[nier] de Mehudin, chevalier, et à Mestre Olivier de Karroges, clerc, entre lesdites parties... et fut baillie Joan le Bastart serjant à fere le dite veue et les semonces de l'asentement des parties... et en quel jor ledit baillif establit noble home et sage Mons. Renaut le Chambellan viscomte de Falaise por aler avant ladite aprisé se mestier en esteit, Doné en l'assise de Argenthan en l'an et en for desus diz. Original scellé sur simple queue.