Il est dit par droit que dou contenz meu entre Notre Seigneur le Roi d'une part, et religieus homes l'abbé et le couvent de Seint Pere le Vif de Senz d'autre, sus la saisine de la joustise des Boute-C? ours a dras de Sens, veues les attestations des tesmoinz d'une partie et d'autre, que la saisine de la dite joustise demerre aus diz religieus. Ce fu feit en pleine assise a Senz par Penetier baillif de Senz a ce temps, l'an de grace mil CC. IIII xx et seze, le venredi apres la feste Seint Marc evangelistre, presenz a ce mon seigneur Baudoyn de Poiz, mon seigneur Jehan le Poivre, mon seigneur Gile de la Forest, chevaliers, mon seigneur Simon de la Sale, clerc du roi, mon seigneur Jeubert Porpense, mon seigneur Nicole, fil au dit baillif, Eude le Peletier, chastelein de Senz, "Renaut le Peletier, prevost de Senz, Jehan Sachavoine, meyeur de Senz, Hue Angelart, Jehan de Maalai, Thiebaut Belin, Blanc le Lombart, Richart de Melisi, Henri le Normant, mestre Pierre dit Vilein de Charni et plusieurs autres. Original parchemin, (fragment) de sceau sur simple queue.